Jan 26, 2015

ನನ್ನ ನಲ್ಲನಾಗಲು ಒಲ್ಲದವನಿಗೆ ////




















ಏನೆಲ್ಲಾ ಆಸೆಗಳು ಮನದೊಳಗೆ ತುಂಬಿ
ಜೇನಿನಂತ ನುಡಿಯ ನುಡಿದು ಎನ್ನ ಹೃದಯದಲಿ
ಮನೆ ಮಾಡಿ ನನ್ನ ನಿದಿರೆಯ ಕದಿಯುತಿದ್ದ
ನನ್ನ ಹುಡುಗ ನೀನೆಲ್ಲಿ ಮರೆಯಾದೆ !
ಮಾತು ಮಾತಿಗೂ ನನ್ನ ಜೀವನ ನೀನೆಂದು
ನನ್ನ ಬಾಳ ಬೆಳಗುವ ಜ್ಯೋತಿ ನೀನೆಂದು
ನನ್ನ ಹೊಗಳಿ ಹೊಗಳಿ ಹೊನ್ನ ಶೂಲಕ್ಕೆರಿಸುತಿದ್ದ
ನನ್ನ ನೀಲಿ ಕಂಗಳ ಮುದ್ದು ಹುಡುಗ ! ನೀನೆಲ್ಲಿ ಮರೆಯಾದೆ !
ನಿನ್ನ ಸ್ಪರ್ಶಕೆ ಕಾದು ಕಾತರಿಸುತಿದ್ದ ನನ್ನ ಮನ
ನಿನ್ನಿಂದ ಏಕೆ ಹೀಗೆ ದೂರ ಹೋದರೆ ಸಾಕೆಂದು ಕಾತರಿಸುತಿದೆ
ನಿನ್ನ ಕಂಡೊಡನೆ ಕುಣಿಯುತಿದ್ದ ನನ್ನ ಮನಸು
ನಿನ್ನ ನೆರಳ ಕಂಡರೂ ಹೀಗೇಕೆ ಸಿಡಿ ಮಿಡಿ ಗೋಳ್ಳುತಿದೆ
ಬುದ್ದಿವಂತ ಹುಡುಗರು ನೀವು ! ಪ್ರೀತಿಯಲಿ ನೊಂದರೆ ಸಾಕು
ಗೂಬೆಯ ನಮ್ಮ ಮೇಲೆ ಕೂರಿಸಿ ನೀವು ಪಲಾಯನವಾಗುವಿರಿ
ಪ್ರೀತಿಯ ಹುಡುಗ ಮೋಸದ ಹುಡುಗಿ ಎಂದೆಲ್ಲ ಬರೆದು ಕೊಂಡು
ನಮ್ಮಿಂದಲೇ ನಿಮ್ಮ ಜೀವನ ಹಾಳಾಯಿತೆಂದು
ಶಪಿಸಿ ಕುಡಿದು ನೋವ ಮರೆಯುತಿದ್ದೇವೆ ಎಂದು ಕತೆಯನು ಹೇಳುವಿರಿ !

ನೀವು ಹೇಳಿದಂತೆ ಕೇಳಿದರೆ ನಾವೆಲ್ಲಾ ನಿಮ್ಮ ಕನಸಿನ ರಾಜಕುಮಾರಿಯರು
ಇಲ್ಲದೆ ಹೋದರೆ ಸುಮ್ಮನೆ ಸಮಯ ಕಳೆಯಲು ಪ್ರೀತಿಸುವ ಹುಡುಗಿಯರು
ಏನೆಲ್ಲಾ ನಮ್ಮಿಂದ ಬಯಸುವ ನನ್ನ ಮುದ್ದಿನ ಹುಡುಗ
ನೀನೇಕೆ ನನ್ನಿಂದ ಪರಿಶುದ್ದ ಪ್ರೇಮ ಬಯಸುವುದಿಲ್ಲ
ಎಲ್ಲದಕ್ಕೂ ಒಂದು ಮಿತಿಯಿದೆ ಎಂದು ಅರಿಯುವುದಿಲ್ಲ