Mar 27, 2012

ಮೀಟಲು ಆಗುವುದಿಲ್ಲ ! ಕಲ್ಲಿನ ವೀಣೆಯನು !ಅರಿಯಲು ಸಾದ್ಯವಿಲ್ಲ ! ಮನಸಿನ ಭಾವನೆಯನು !ಕಂಡು ಹಿಡಿಯಲು ಆಗುವುದಿಲ್ಲ ! ಮೀನಿನ ಹೆಜ್ಜೆಯನು !ಹಾಗೆಯೆ ! ಅನುಭವಿಸಬೇಕು ! ಸ್ನೇಹದ ! ಆನಂದವನು !ವರ್ಣಿಸಲು ಸಾದ್ಯವಿಲ್ಲ ! ಸ್ನೇಹವೆಂದರೆ ಏನೆಂದು !ಅನುಭವಿಸಬೇಕು ! ಆನಂದಿಸಬೇಕು ! ಕೇಳಬೇಡ ಏಕೆಂದು !ಕಾಣದ ದೇವರ ನೆನೆದು ! ಅವನ ದಯೆ ಕೋರುವ ಜನ ನಾವು !ಅರಿಯುವುದಿಲ್ಲ ಏಕೆ ನಿರ್ಮಲ ಸ್ನೇಹದ ನೋವು !ಭಾವಿಸುವುದಿಲ್ಲ ಏಕೆ ! ಸ್ನೇಹ ಒಂದು ಮದುರ ಸಂಬಂದವೆಂದು !ಕಟ್ಟುವಿರೆಕೆ ! ಅದಕೂ ! ಸಲ್ಲದ ಕಥೆಗಳನು !ಬದುಕು ಅಂದರೆ ! ಏನೆಂದು ! ಅರಿಯಬೇಕಿದೆ ನಾವಿಂದು !ನಗಿಸಲು ಸಾದ್ಯವದಿದ್ದರೂ ಚಿಂತೆಯಿಲ್ಲ ! ಆದರೆ ಸುಮ್ಮನೆ ಅಳಿಸಬೇಡಿ !ಕಣ್ಣೀರು ಒರೆಸದಿದ್ದರೂ ಪರವಾಗಿಲ್ಲ ! ಆದರೆ ಸುರಿಯುವ ಹಾಗೆ ಮಾಡಬೇಡಿ !ನಿಮಗೆ ಸ್ನೇಹದಲಿ ನಂಬಿಕೆ ಇರದಿದ್ದರೆ ಚಿಂತೆಯಿಲ್ಲ !ಆದರೆ ನಂಬಿದವರ ನಂಬಿಕೆಯ ಕೆಡಿಸಬೇಡಿ !ಜಗದಲಿ ! ಕಣ್ಣಿಲ್ಲದ್ದವರಿಗಿಂತ ! ಕಣ್ಮುಚ್ಚಿ ಕುಳಿತವರೇ ಹೆಚ್ಚ್ಚು !ಕನಸು ಕಾಣುವವರಿಗಿಂತ ! ಕನಸು ಕಳೆದು ಕೊಂಡ ವರೇ ಹೆಚ್ಚು !ಸ್ನೇಹದ ಲೋಕದಲಿ ಸ್ನೇಹದ ಬೆಲೆ ಎಂದಿಗೂ ಹೆಚ್ಚು

Mar 16, 2012

ಅವ್ವಳೆಂಬ ದೈವ

  • ಅವ್ವಳೆಂಬ ದೈವ

  • ಹಸಿದು ಕೂಲಿಗೆ ಹೋದ ಅವ್ವ
  • ಸೆರಗಿನಲಿ ತಿನಿಸುತಿಂಡಿಗಳ,
  • ಒಡಲ ಕೂಸಿಗೆ ಬಚ್ಚಿಟ್ಟು-
  • ಕೊಂಡದ್ದನ್ನು ಮರೆಯುವುದುಂಟೆ?

    ದುಡಿದು ಬಳಲಿ, ಸಪ್ಪೆ ಮೊಗವ
    ಮಾಡುತಾ ,ನಿದ್ದೆಯ ಲೆಕ್ಕಿಸದೆ,
    ಕೂಸನು ಮಡಿಲಲ್ಲಿ ಲಲ್ಲೆಗೈಯುವ
    ಕರುಳ ಕರುಣೆಯ ಮಮತೆ ಮಾಸುವುದುಂಟೆ?

    ಮನೆಹದ್ದಿನ ಕಣ್ತಪ್ಪಿಸಿ ಕೂಸವಿದ್ಯೆಗೆಂದು
    ಸಂಬಾರಡಬ್ಬಿಯೊಳಗೆ ಕೂಡಿಟ್ಟ
    ಪುಡಿಗಾಸಲಿ ಓದಿ ಬುದ್ಧಿಪಡೆವಾಗ,
    ನಗುವ ಅಮ್ಮನನು ದಡ್ಡಿಯನ್ನಲುಂಟೆ?

    ಕಾಲ್ತಪ್ಪಿಸುವ ನದಿಯಲಿ
    ನೀರೆದೆಯತನಕವಿದ್ದರೂ ಹೆಗಲಲಿರಿಸಿ,
    ಸಿಡಿಲಮಳೆಗಂಜದೆ ವಿದ್ಯಾಮಂದಿರದೊಳತನಕ
    ಕುಳ್ಳಿರಿಸಿ ಬರುವವ್ವನ ,ಬೆದರಿಸಿ ಗದರಿಸುವುದುಂಟೆ ?

    ಸಿಕ್ಕ ದೈವ ದೇವಸ್ಥಾನಗಳ
    ಗಂಧಲೇಪಗಳ ಹಣೆಗೆ ತಿಕ್ಕಿ,
    ತುತ್ತು ಅನ್ನಕೆ ರಾತ್ರಿ ಹಗಲೆನದ,
    ಮಮತೆ ಮೂರ್ತಿಗೆ ಮೂಢಳೆನುವುದುಂಟೇ?

    ಬೇಗೆಯೆನಿಸಿದರೆ ಹಾಳೆಯ
    ಬೀಸಣಿಗೆಯಲ್ಲಿ ಗಾಳಿಯ ಹಾಕುತ,
    ಚಳಿಯೆನಿಸಿದರೆ ಇದ್ದೊಂದ ಕಂಬಳಿಯ ಹೊದೆವ,
    ಅವ್ವಳಂತಹ ಪ್ರತ್ಯಕ್ಷ ದೈವ ಬೇರುಂಟೇ?

ಓ ಮಲ್ಲಿಗೆ, ನೀ ಮೆಲ್ಲಗೆ

ಓ ಮಲ್ಲಿಗೆ, ನೀ ಮೆಲ್ಲಗೆ
ಬಾಡುತಿರುವೆ ಯಾಕೆ..?
ನಿನ್ನ ಮುಡಿಯಲು ನನ್ನ
ರಾಣಿಯಿಲ್ಲವೆಂದು ಕೊರಗುವೆಯೇಕೆ..?
ಚಿಂತೆ ಮಾಡದಿರು ಮಲ್ಲಿಗೆ,
ನನ್ನವಳು ಬರುವಳು ತಪ್ಪದೆ
ಮುಂದಿನ ಹುಣ್ಣಿಮೆಯೊಳಗೆ..!!

ಓ ತಿಂಗಳೇ, ಬೆಳದಿಂಗಳೇ,
ನೀ ಮೋಡದ ಮರೆಯದೆಯೇಕೆ..?
ನನ್ನ ಹೃದಯದ ಪಟ್ಟದ ರಾಣಿ,
ಇರುವಳು ತವರೂರಿನಲಿ,
ಅವಳಿಗೆ ಪದೆಪದೆ ನನ್ನದೇ ಕನವರಿಕೆ.
ಮಲಗಿಸು ಅವಳನ್ನು ಹೇ ಚಂದ್ರಮ,
ನನ್ನ ಕನಸುಗಳೇಲ್ಲವನೂ ಹೊತ್ತು
ಹೊದಿಸಿ, ನೀನಾಗು ಬೆಳದಿಂಗಳ ಹೊದಿಕೆ.

ಯಾಕಾದರೂ ಬಂದಿತೋ,
ಈ ಆಷಾಡ ಮಾಸ.
ನನ್ನವಳು ಇರದ ಮನೆ,
ಈಗ ಅದಾಗಿದೆ ಕಾಲಕಸ.
ಮನ್ಮಥನ ಶಾಪವೋ ಏನೋ,
ತಾಳಲಾರೆ ನಾ ಈ ವಿರಹ.
ಕಾಯಿಸದಿರು ನಲ್ಲೆ ಇನ್ನು,
ಬೇಗ ಬಂದುಬಿಡು ಸನಿಹ.