Jan 26, 2015

ಗೆಳತಿಗೊಂದು ಕಿವಿ ಮಾತು .

ನನ್ನ ಪ್ರೀತಿಯ ಗೆಳತಿಗೊಂದು ಕಿವಿ ಮಾತು .
ಗೆಳತೀ ನಿನ್ನ ಮನಸ್ಸು ಸಕ್ಕರೆ ,
ಅದಕ್ಕೇ ನೋಡು, ನಿನ್ನ ಸುತ್ತ ಗೆಳತಿಯರು ತುಂಬಿಹರು
ಇರುವೆಯ ಹಾಗೆ .
ನಿನ್ನನ್ನೇ ತಿನ್ನುವ ಹಾಗೆ ಅಕ್ಕರೆಯ ಮುತ್ತು ಕೊಟ್ಟು
ಅಪ್ಪಿಕೊಂಡಿಹರಲ್ಲಾ !
ಅಬ್ಭಾ ಅವರಿಗೆ ಯಾಕಿಷ್ಟು ಪ್ರೀತಿ ಗೆಳತಿ ನಿನ್ನ ಮೇಲೆ ?
ಹೊಟ್ಟೆಕಿಚ್ಚಿನ ಹುಡುಗ ನಾನಾಗುತ್ತಿರುವೆ .
ಯಾಕೆಂದು ಹೇಳಲೇ ?
ಒಮ್ಮೆಯೂ ನೀನೇಕೆ ಮುನಿದು ಕೊಳ್ಳುತಿಲ್ಲಾ ನನ್ನ ಮೇಲೆ ?
ನೋಡಬಯಸಿರುವೆ ಗೆಳತಿ ನಿನ್ನ ಕೋಪ ,
ನನಗಾಗಿ ಮುನಿದುಕೊಳ್ಳುವೆಯಾ ನನ್ನ ಮೇಲೆ ?
ನಿನ್ನ ಕೋಪವೂ ಸಕ್ಕರೆ ನನ್ನ ಪಾಲಿಗೆ

No comments:

Post a Comment